Gazel 102

Metin: 
Gubâr-i secde-i râhın hat-i levh-i cebînimdir
Sücûd-i der-gahın ser-mâye-i dünyâ vü dînimdir
Eger azm-i reh etsem şevk-i vaslın hâdî-i râhını
Ve ger ârâm hem tutsam hayâlin hem-nişînimdir
Hevâ-yi ravza-i kûyun bahâr-i gül-şen-i cânım
Nihâl-i kâmetin servim izarın yâseminimdir
Yakînimdir ki maksûdum olur hâsıl sana yetsem
Bi-hamdi’llah bana senden yana reh-ber yakînimdir
Taleb-gâr-i visâlim müjde-i vaslın dirîğ etme
Kim ol müjde ferah-bahş-i dil-i endûh-gînimdir
Götürdü zevk-i vaslın hâtırımdan ravza pervâsın
Sözün kevser münevver meclisin Huld-i Berîn’imdir
Bana yüz gösterir her lâhza yüz bin şâhid-i devlet
Çü mir’ât-i ruhun manzur-i çeşm-i pâk-binimdir
Serir-i saltanat zevkinden efzundur bana ol söz
Ki lûtf ilen demişsin bir gulâm-i kem-terinimdir
Beri oldum Fuzûlî gayrdan ol dil-rübâ ancak
Enîsim münîsim yârım nigârım nâzeninimdir
Vezin: 
Me fâ î lün me fâ î lün me fâ î lün me fâ î lün
Osmanlıca: 
غبار سجدۀ راهك خط لوح جبینمدر
سجود دركهك سرمایۀ دنیا و دینمدر

اكر عزم ره ایتسم شوق وصلك هادئ راهم
وكر آرام هم طتسم خیالك هم نشینمدر

هوای روضۀ كویك بهار كلشن جانم
نهال قامتك سروم عذارك یاسمینمدر

یقینمدر كە مقصودم اولور سكا یتسم
بحمدالله بكا سندن یكا رهبر یقینمدر

طلبكار وصالم مژدۀ وصلك دریغ ایتمە
كیم اول مژدە فرحبخش دل اندوهكینمدر

چقاردی ذوق وصلك خاطرمدن روضە پرواسن
لبك كوثر منور مجلسك خلد برینمدر

بكا یوز كوسترر هر لحظە یوز بك شاهد دولت
چو مرآت رخك منظور چشم پاك بینیمدر

سریر سلطنت ذوقندن افزوندر بكا اول سوز
كه لطفك ایلە دیمشسن بر غلام كمترینمدر

بری اولدم فضولی غیردن اول دلربا انجق
انیسم مونسم یارم نكارم نازنینمدر


Kübari-secdeyi-rahin heti-levhi-cebinimdir,
Sücudi-dergehin sermayeyi-dünyavü dinimdir. 
Eger ezmi-reh etsem, şevki-veslin hadiyi-rahim,
Ve gör aram hem dutsam, heyalın hemnişinimdir. 
Hevayi-revzeyi-kuyin, bahari-gülşeni-canim,
Nihali-kametin servim, üzarın yaseminimdir. 
Yekinimdir ki, meksudum olur hasil sene yetsem,
Bihemdillah, mene senden yana rehber yekinimdir. 
Telebkari-vüsalem, müjdeyi-veslin diriğ etme
Kim, ol müjde ferehbehşi-dili-enduhginimdir. 
Çıhardı zevki-veslin hatirimden revze pervasın,
Sözün kevser, münevver meclisin hüldi-berinimdir. 
Mene üz gösterer her lehze yüz min şahidi-devlet
Çü mir’ati-rühün, menzuri-çeşmi-pakbinimdir. 
Seriri-seltenet zevkinden efzundur mene ol söz
Ki, lütf ilen demişsen: bir kulami-kemterinimdir. 
Beri oldum, Füzuli, keyrden, ol dilrüba ancak,
Enisim, munisim, yarım, nigarım, nazeninimdir.