Gazel 103

Metin: 
Perîşân halk-i âlem âh ü efgân ettiğimdendir
Perîşân olduğum halkı perîşân ettiğimdendir
Ten-i zârımda derd-i aşk gün günden füzûn olmak
Yeten bî-derde tedbîr ile dermân ettiğimdendir
Gözüm kim bağrımın kanın döker perkâle perkâle
Dem-â-dem ârzû-yi lâ’l-i cânân ettiğimdendir
Değil bi-hûde ger yağsa felekten başıma taşlar
Binâsın tîşe-i âhımla virân ettiğimdendir
Kaçan rüsvâ olurdum kan yutup sabr edebilseydim
Melâmet çektiğim bî-hûde efgân ettiğimdendir
Hatâ senden değil cismim okundan bî-nasib olmak
Habâb-i eşk-i gül-gûn içre pinhân ettiğimdendir
Fuzûlî ihtilât-i merdüm-i âlemden ikrâhım
Perî-veşler hayâlin mûnîs-i cân ettiğimdendir
Vezin: 
Mefâîlün Mefâîlün Mefâîlün Mefâîlün
Osmanlıca: 

Perişan helki-alem ahü efkan etdigimdendir,
Perişan olduğum, helki perişan etdigimdendir. 
Teni-zarimde derdi-eşk gün-günden füzun olmak
Yeten biderd tedbirile derman etdigimdendir. 
Gözüm kim, bağrımın kanın töker perkale-perkale,
Demadem aruziyi-le’li-canan etdigimdendir. 
Degil bihude, ger yağsa felekden başime daşlar,
Binasın tişeyi-ahimle viran etdigimdendir. 
Kaçan rusva olurdum, kan udub sebr ede bilseydim,
Melamet çekdigim bihude efğan etdigimdendir. 
Heta senden degil, cismim ohundan binesib olsa,
Hübabi-eşki-gülgun içre pünhan etdigimdendir. 
Füzuli, ihtilati-merdümi-alemden ikrahim,
Periveşler heyalın munisi-can etdigimdendir.