Gazel 115

Metin: 
Teşne-i câm-i visâlin Âb-i Hayvân istemez
Mâ-il-i mûr-i hatın mülk-i Süleymân istemez
Zulmet-i zülfün giriftârı dem urmaz nurdan
Tâlib-i şem-i ruhun hur-şîd-i rahşân istemez
Eylemez meyl-i behişt üftâde-i hâk-i derin
Sâkin-i künc-i gamın seyr-i gül-istân istemez
Cevrden âh etme ey âşık ki ayn-i lutftur
Dost esbâb-ı kemâl-i hüsne noksân istemez
Âşık isen rind ü rüsvâlıktan ikrâh etme kim
Aşk sırrın iktizâ-yi devr pinhân istemez
Aşktan vehm etmesin âşık yıkar gönlüm deyu
Hiç sultânım diyen mülkünü virân istemez
Ey Fuzûlî muttasıl devrân muhaliftir sana
Gâliba erbâb-i isti’dâdı devrân istemez
Vezin: 
Fâilâtün Fâilâtün Fâilâtün Fâilün
Osmanlıca: 
تشنۀ جام وصالك آب حیوان استمز
مائل مور خطك ملك سلیمان استمز

ظلمت زلفك كرفتاری دم اورمز نوردن
طالب شمع رخك خورشید رخشان استمز

ایلمز میل بهشت افتادۀ خاك درك
ساكن كنج غمك سیر كلستان استمز

جوردن آه ایتمە ای عاشق كە عین لطفدر
دوست اسباب كمال حسنە نقصان استمز

عشقدن آه ایتمسون عاشق یقر كوكلم دیو
هیچ سلطانم دین ملكنی ویران استمز

ای فضولی متصل دوران مخالفدر سكا
غالبا ارباب استعدادی دوران استمز


Teşneyi-cami-vüsalın abi-heyvan istemez,
Mayili-muri-hetin mülki-Süleyman istemez. 
Zülmeti-zülfün giriftari dem urmaz nurden,
Talibi-şem’i-rühün hurşidi-rehşan istemez. 
Eylemez meyli behişt üftadeyi-haki-derin,
Sakini-künci-kemin seyri-gülüstan istemez. 
Cevrden ah etme, ey aşik ki, eyni-lütfdür,
Dust esbabi-kemali-hüsne nöksan istemez. 
Eşkden vehm etmesin aşik, yıhar könlüm deyib,
Hiç sultanem deyen mülkünü viran istemez. 
Aşik isen rindü rüsvalıkdan ikrah etme kim,
Eşk sirrin iktizayi-devr pünhan istemez. 
Ey Füzuli, müttesil, devran mühalifdir mana,
Kaliba, erbabi-iste’dadı devran istemez.