Gazel 133

Metin: 
Habâb-i eşk-i hûnin cismimi elden nihân etmiş
Gam-i aşkın men-i rüsvây-i bî-nâm ü nişân etmiş
Götürmüş hâkten tuğyân-i eşkim har ü hâşâki
Başım üzre melâmet kuşlarıyçin âşyân etmiş
Büküp mihnet yükünden kaddimi çıkmış tenimden cân
Tavâf-ı kûyun etmek kasdine tayy-i mekân etmiş
Seninle ettiği için da'vî-i takdim hüsn içre
Felek ta'zîr edip Leyli'ni rüsvâ-yi cihân etmiş
Meger terkîb-i İsî gerd-i hâk-i der-gehindendir
Ki durmuş hâkten kadr ile azm-i âs-mân etmiş
Gezen peykânlarındır tende yâ can bâğına aşkın
Belâ ser-çeşmesinden her taraf sular revân etmiş
FuzûIî'den mizacın nıünharif gördüm bu gün yârın
Meger fırsat bulup bir senime hâl-i dil beyân etmiş
Vezin: 
Me fâ i lûn / Me fâ i lûn / Me fâ i lûn / Me fâ i lûn
Osmanlıca: 

Hübabi-eşki-hunin cismimi elden nihan etmiş,
Kemi-eşkin meni-rüsvayi binamü nişan etmiş. 
Götürmüş hakden tüğyani-eşkim harü haşaki,
Başım üzre melamet kuşlariçün aşiyan etmiş. 
Büküb möhnet yükünden keddimi, çıhmış tenimden can,
Tevafi-kuyin etmek kesdine teyyi-mekan etmiş. 
Seninle de’viyi-hüsn etdigiçün mülki-hüsn içre,
Felek te’zir edib Leylini rüsvayi-cehan etmiş. 
Meger terkibi-Isa haki-kuyi-dergehindendir
Ki, durmuş hakden kedrile ezmi-asiman etmiş. 
Gezen peykanlarındır tende, ya can bağine eşkin
Bela serçeşmesinden her teref sular revan etmiş. 
Füzuliden mizacın münherif gördüm bu gün yarın,
Meger fürset bulub bir şemme halından beyan etmiş?