Gazel 182

Metin: 
Kıldı ol serv seher nâz ile hammâna hırâm
Şem’-i ruhsârı ile oldu münevver hammâm
Görünürdü bedeni çâk-i giribânından
Câmeden çıktı yeni ayını gösterdi tamâm
Nil-gün futaya sardı beden-i uryânın
San benefşe içine düştü mukaşşer bâdâm
Oldu pâ-bûs-i şerifiyle müşerref leb-i havz
Buldu didâr-i lâtifiyle ziyâ dîde-i câm
Sandılar kim satılır dâne-i dürr-i arakı
Urdu el kîseye çoklar kılıp endişe-i hâm
Kâkülün şâne açıp kıldı hevâyı müşgin
Tîğ mûyun dağıdıp etti yere anber-fâm
Tâs elin öptü hased kıldı kara bağrımı su
Yetti su cismine reşk aldı tenimden ârâm
Çıktı hammâmdan ol perde-i çeşmim sarınıp
Tuttu âsâyiş ile gûşe-i çeşmimde makâm
Merdüm-i çeşmim ayağına revan su döktü
Ki gerek su döküle servin ayağına müdâm
Müzd-e hammâm Fuzûli veririm can nakdin
Kılmasın sarf-i zer ol serv-kad ü sîm-endâm
Osmanlıca: 

Kıldı ol serv seher naz ile hemmame hüram,
Şem’i-rühsarı ile oldu münevver hemmam. 
Görünürdü bedeni çaki-giribanından,
Cameden çıhdı, yeni ayını gösterdi temam. 
Nilgun futeye sardı bedeni-üryanın,
San benefşe içine düşdü mükeşşer badam. 
Oldu pabusi-şerifile müşerref lebi-hevz,
Buldu didari-telifile ziya dideyi-cam. 
Sandılar kim, satılır daneyi-dürri-ereki,
Vurdu el kiseye çohlar kılıb endişeyi-ham. 
Kakilin şane açıb, kıldı hevayi mişkin,
Tiğ muyin dağıdıb, etdi yeri enberfam. 
Tas elin öpdü, hesed kıldı kara bağrımı su,
Yetdi su cismine, reşk aldı tenimden aram. 
Çıhdı hemmamden o, perdeyi-çeşmim sarınıb,
Tutdu asayiş ile guşeyi-çeşmimde mekam. 
Merdümi-çeşmim eyağine revan su tökdü
Ki, gerek su töküle servin eyağine müdam. 
Müzdi-hemmam, Füzuli, vererem can nekdin,
Kılmasın serf zer ol servkedü simendam.