Gazel 236

Metin: 
Eger çıksaydı derdin cismden derdim ki cândır bu
Ne hâcet derdini yeğdir demek cândan ayândır bu
Dem-â-dem hûblar cevriyle artar lezzeti aşkın
Yamandır bu ki tahlik etmedin derler yamandır bu
Hadengi sâyesinde hoş geçir evkâtını ey dil
Ki gül-zâr-i hayâtın zîneti serv-i revândır bu
Tutuştum âteş-i dilden ciğer kanına gark oldum
Egerçi bir şerâre oddur ol bir katre kandır bu
Cihana kaddin ile kâkülünden fitneler düşmüş
Kıyâmet ibdidâsı fitne-i âhir zamandır bu
Dediler bî-haberler bâğ-i cennet kûyuna benzer
Haber verdi bana andan gelen âdem yalandır bu
Fuzûlî kıldı feryâd ü figanın tîre gerdûnu
Henûz ol mâh sormaz kim ne feryâd ü figandır bu
Vezin: 
Mefâ’îlün mefâ’îlün mefâ’îlün mefâ’ilün
Osmanlıca: 

Eger çıhsaydı derdin cismden, derdim ki, candır bu,
Ne hacet derdini yeydir demek candan, eyandır bu. 
Demadem hublar gevrile artar lezzeti eşkin,
Yamandır bu ki, tehkik etmeden derler yamandır bu. 
Hedengi sayesinde hoş keçir ovkatını, ey dil
Ki, gülzari-heyatın zineti servi-revandır bu. 
Tutuşdum ateşi-dilden, ciger kanile kerk oldum,
Egerçi bir şerare oddur ol, bir ketre kandır bu. 
Cehane keddin ile kakilinden fitneler düşmüş,
Kiyamet ibtidası, fitneyi-ahirzemandır bu. 
Dediler biheberler: baği-cennet kuyine benzer,
Heber verdi mene andan gelen Adem, yalandır bu. 
Füzuli, kıldı feryadü feğanım tire gerduni,
Henuz, ol mah sormaz kim, ne feryadü feğandır bu?