Gazel 246

Metin: 
Olsaydı bendeki gam Ferhâd-i mübtelâde
Bir âh ile verirdi bin Bisütûn’ı bâde
Verseydi âh-i Mecnun feryâdımın sadâsın
Kuş mu karâr ederdi başındaki yuvade
Ferhâd’a zevk-i sûret Mecnûn’a seyr-i sahrâ
Bir râhat içre her kim ancak benim belâde
Eşk-i revânıma il cem’oldu var ümîdim
Kim ola vara vara cem’iyyettim ziyâde
Geh gamzen içmek ister kanımı gâh çeşmin
Korkum budur ki nâ-geh kanlar ola arade
Ser-verlik ister isen üftâdelik şi’âr et
Kim düşmeden ayağa çıkmadı başa bâde
Ger görmemek dilersen resm-i cefâ Fuzûlî
Olma vefaya tâlib dünyâ-yi bi-vefâde
Vezin: 
Mef’ûlü fâ’ilâtün mef’ûlü fâ’ilâtün
Osmanlıca: 
اولسیدی بندەكی غم فرهاد مبتلادە
بر آهلە ویرردی بیك بیستونی بادە

ویرسیدی آه مجنون فریادمك صداسن
قوشمی قرار ایدردی باشندەكی یوادە

فرهادە زوق صورت مجنونە سیر صحرا
بر راحت ایچرە هركس انجق بنم بلادە

اشك روانمە ایل جمع اولدی وار امیدم
كیم اولە وارە وارە جمعیتم زیادە

كه غمزەك ایچمك استر قانیمی كاه چشمك
قورقم بودر كە ناكە قانلر اولە ارادە

سرورلك استر ایسك افتادەلك شعار ایت
كیم دوشمدین ایاغە چقمدی باشە بادە

كر كورممك دیلرسن رسم جفا فضولی
اولمە وفایە طالب دنیای بیوفادە


Olsaydı mendeki kem Ferhadi-mübtelade,
Bir ah ile vererdi min Bisütuni bade. 
Verseydi ahi-Mecnun feryadımın sedasın,
Kuşmi kerar ederdi başındakı yuvade? 
Ferhadü zevki-suret, Mecnunü seyri-sehra,
Bir rahet içre her kes, ancak menem belade. 
Eşki-revanime el cem’ oldu, var ümidim
Kim, ola vare-vare cem’iyyetim ziyade. 
Geh kemzen içmek ister kanimi, gah çeşmin,
Korhum budur ki, nageh kanlar ola arade. 
Serverlik ister isen, üftadelik şüar et
Kim, düşmeden eyağe, çıhmadı başe bade. 
Ger görmemek dilersen resmi-cefa, Füzuli,
Olma vefaye talib dünyayi-bivefade.