Gazel 81

Metin: 
Girip mey-hâneye mûğ meşrebiyle kim ki hû eyler
Olup mü’min behişte kâfirim ger ârzû eyler
Meger divânedir sevdâ-yi ebrsiyle zâhid kim
Bakıp mihrâba da’im öz özüyle güft-ü gû eyler
Dem-â-dem katre katre kan yaşımdır kim çıkar gözden
Veyâ peykânların kim âteş-i dil anı su eyler
Reh-i aşkında olman teng-dil sevdâ hücûmundan
Tarik-i saltanat her kim tutar gavgâya hû eyler
Dedim kimdir perişân eyleyen âşıklar ahvâlin
Sabâ gösterdi târ-i sünbül-i zülfün ki bu eyler
Fuzûlî zülfüne bağlandı ammâ öyle inceldi
Kigûya za’f anı hem zülfüne bir târ mû eyler
Vezin: 
Mefâîlün Mefâîlün Mefâîlün Mefâîlün
Osmanlıca: 

Girib meyhaneye, müğ meşrebile kim ki, hu eyler,
Olub mö’min, behişti, kaferem, ger arizu eyler. 
Meger divanedir sevdayi-ebrusile zahid kim,
Bahıb mehrabe daim, öz-özile göftgu eyler. 
Demadem ketre-ketre kan yaşımdır kim, çıhar gözden
Ve ya peykanların kim, ateşi-dil onu su eyler. 
Rehi eşkinde olman tengdil sevda hücumundan,
Teriki-seltenet her kim tutar, kovğaye hu eyler. 
Dedim: “kimdir perişan eyleyen aşikler ehvalın?”
Seba gösterdi tari-sünbüli-zülfün ki: “bu eyler!” 
Füzuli zülfüne bağılandı, emma öyle inceldi
Ki, guya ze’f onu hem zülfüne bir tari-mu eyler.