Gazel 88

Metin: 
Hoşum kim dem-be-dem giryan gözüm ol hâk-i pâdandır
Ziyânı olmaz ol göz yaşının kim tûtiyâdandır
Dem-a-dem merdüm-i çeşmim içer kan zülf ü hâlinden
Belî ekser ma’âşı ehl-i deryânın karadandır
Deme Ferhâd kanın dökmüş ancak aşk şem-şîri
Benim gör kanlı yaşım kim bu hem ol mâ-cerâdandır
Mu’anber sünbülünden almadan bû olmadım rüsvâ
Bu rüsvâlık bana senden değil bâd-i sabâdandır
Habâb-i eşk içinde mûy-i jûlidemle hoş-hâlim
Başım bu hümâyun sâye ol âli bınâdandır
Vefâ resmin unutmuşsun diye incinmezem zirâ
Bu kim benden cefâ kem eylemezsen hem vefâdandır
Kemâl-i hüsn-i meşreb âri olmaktır ta’arruzdan
Riyâ ehline hem çok i’tirâz etmek riyadandır
Fuzûlî dökme çok yaş ihtiyât et gitmesin nâ-geh
Gözünden sürme kim gerd-i reh-i ehl-i safâdandır
Vezin: 
Me fâ î lün me fâ î lün me fâ î lün me fâî lün
Osmanlıca: 

Hoşam kim, dembedem giryan gözüm ol haki-padendir.
Ziyanı olmaz ol göz yaşının kim, tutiyadendir. 
Demadem merdümi-çeşmim içer kan zülfü halından,
Beli ekser me’aşi ehli-deryanın keradendir. 
Deme Ferhad kanın tökmüş ancak eşk şemşiri,
Menim gör kanlı yaşım kim, bu hem ol maceradendir. 
Müenber sünbülünden almadan bu, olmadım rüsva,
Bu rüsvalık mene senden degil, badi-sebadendir. 
Hübabi-eşk içinde muyi-julidemle hoşhalem,
Başımda bu humayun saye ol ali binadendir. 
Vefa resmin unutmuşsan deye, incinmezem zira,
Bu kim, menden cefa kem eylemezsen, hem vefadendir. 
Kemali-hüsni-meşreb, ari olmakdır teerrüzden,
Riya ehline hem çoh e’tiraz etmek riyadendir. 
Füzuli, tökme çoh yaş, ehtiyat et getmesin nageh
Gözünden sürme kim, haki-rehi-ehli-sefadendir.