Gazel 98

Metin: 
Çeşm-i sûret-bâzıma müjgân saf-i hengâmedir
Kana batmış her müjem bir şûh-i gül-gûn câmedir
Tâ hatın üzre ham-i ebrûların ser-germiyim
Her sözüm derd-i dil imlâsına bir ser-nâmedir
Gösterir her dem alâmetler kıyâmetten kadin
Kâ’im etmiş haşr bürhânın aceb allâmedir
Derdim oldur kim müselmân olmuş ol tersâ-beçe
Küfre olan zulmler ta’nı bu gün islâmedir
Yüzde nakş-i hûn-i dil râz-i nihânım fâş eder
Şerh-i gam tahrîrine her kirpiğim bir hâmedir
Ey sabâ rahm et kim ol bî-derd kılmış terk-i cevr
Çâre-i derd-i dilim mevkûf bir i’lâmedir
Ey Fuzûlî bulmadım reng-i riyâdan bir safâ
N’ola ger meylim bu reng ile mey-i gül-fâmedir
Vezin: 
Fâ i lâ tün fâ i lâ tün fâ i lâ tün fâ i lün
Osmanlıca: 

Çeşmi-suretbazime müjgan sefi hengamedir,
Kane batmış her müjem bir şuhi-gülguncamedir. 
Gösterer her dem elametler kiyametden kedin,
Kaim etmiş heşr bürhanın, eceb ellamedir. 
Ta hetin üzre hemi-ebrulerin sergermiyem,
Her sözüm derdi-dil imlasine bir sernamedir. 
Üzde nekşi-huni-dil razi-nihanım faş eder,
Şerhi-kem tehririne her kiprigim bir hamedir. 
Derdim oldur kim, müselman olmuş ol tersabeçe,
Küfre olan zülmler te’ni bu gün islamedir. 
Ey seba, rehm et kim, ol biderd kılmış terki-cevr,
Çareyi-derdi-dilim mevkuf bir e’lamedir. 
Ey Füzuli, bulmadım rengi-riyaden bir sefa,
Nola ger meylim bu reng ile meyi-gülfamedir.