KASİDE DER MEDH-İ CA’FER BEG
Metin:
Zulmet-i hayrette zikrindir bana vird-i zebân
Tûtiyim gûyâ yemin şeker yerim Hindû-sitân
Tûtiyim gûyâ yemin şeker yerim Hindû-sitân
İhtilât-i halden çektim ta’allûk dâmenin
Kâf-i uzlette bana simurg-nisbet âşyân
Kâf-i uzlette bana simurg-nisbet âşyân
Cife-i dünyâya çok meyl etmedim kerkes kimi
Bir hümâ-tab’ım gıdâ besdir bana bir üstühân
Bir hümâ-tab’ım gıdâ besdir bana bir üstühân
Yüz fesâhat tût-i tab’ımda muzmerdir velî
Kim tutar âyine kim izhâr edem râz-i nihân
Kim tutar âyine kim izhâr edem râz-i nihân
Sâkinim bir yerde kim yok i’tibârım zerrece
Rûşeni dâ’im hümâ-yi himetim hur-şid sân
Rûşeni dâ’im hümâ-yi himetim hur-şid sân
Kasr-i kadr ü rişte-i derkim refi’olmak ne sûd
Çün müsâvidir bu kavme âs-mân ü rismân
Çün müsâvidir bu kavme âs-mân ü rismân
Şâh-bâz-i himmetim her sayda kılmaz iltifât
Şehr-yâr-i rif’atım her mesnedi kılmaz mekân
Şehr-yâr-i rif’atım her mesnedi kılmaz mekân
Âlem-i sûrette ger yoktur şükûh ü şevketim
Âlem-i ma’nide yok bir ben kimi sâhib-kırân
Âlem-i ma’nide yok bir ben kimi sâhib-kırân
Mesned-ârâ-yi serîr-i devlet-i bâkî benim
Kim sözüm zımnında her iklîme hükmümdür revân
Kim sözüm zımnında her iklîme hükmümdür revân
Devlet-i dünyâ için çekmen selâtin minnetin
Fakr sultânı benim kim devletimdir câvidân
Fakr sultânı benim kim devletimdir câvidân
Bî-tereddüt tutmuşum bahr-i tâ’alluktan kenâr
Bî-tekellüf bulmuşum bî-hûde gavgâdan emân
Bî-tekellüf bulmuşum bî-hûde gavgâdan emân
Ser-bülendim ser-keşim erbâb-i ucb ü kibre lik
Ma’rifet ehline gerd-i râh ü hâk-i âsirân
Ma’rifet ehline gerd-i râh ü hâk-i âsirân
Bendeyim ol mâh-i evc-i rif’at ü ikbâle kim
Görmemiştir bir ana mânend devr-i âs-mân
Görmemiştir bir ana mânend devr-i âs-mân
Muktedâ-yi ehl-i dâniş hâmi-i erbâb-i fazl
Kâr-fermâ-yi zamîr-i pâk tab’-i hurde-dân
Kâr-fermâ-yi zamîr-i pâk tab’-i hurde-dân
Nazm-bahş-i mülk Ca’fer Beg ki Rûşen rây ile
Feyz-i fıtrîdir ana câh ü celâl ü izz ü şan
Feyz-i fıtrîdir ana câh ü celâl ü izz ü şan
Tab’-i gerdun tav’-i fermânına etmiş iftihâr
Rahş-i devrân râyiz-i râyına tapşırmış inân
Rahş-i devrân râyiz-i râyına tapşırmış inân
Dikkat-i efkâr-ı ol gâyette kim fikr eylese
Hikmet-i eşyâda tutmaz dâmen-i ilmin gümân
Hikmet-i eşyâda tutmaz dâmen-i ilmin gümân
Müdrük-i evsâfı rây-sâhib ü tab’-i selim
Tâbi-i fermânı akl-i pîr ü baht-i nev-cevân
Tâbi-i fermânı akl-i pîr ü baht-i nev-cevân
Safvet-i ihlas-ı ol mikdâr kim kahr eylese
Hâtır-i bed-hâha kahrından hutûr etmez ziyân
Hâtır-i bed-hâha kahrından hutûr etmez ziyân
Ey şükûh-i rif’atın pirâye-i gül-zâr-i dehr
V’ey nizâm-i re’fetin ârâyiş-i mülk-i cihân
V’ey nizâm-i re’fetin ârâyiş-i mülk-i cihân
Bîm-i kahrın cân ü mâl-i haşma berk-i hâne-sûz
Lûtf-i tab’ın lâle-zâr-i mülke ebr-i dür-feşân
Lûtf-i tab’ın lâle-zâr-i mülke ebr-i dür-feşân
Ser-verâ sen çeşme-i ihsân ü bahr-i lûtfsun
Teşne-i şehd-i visâlindir Fuzûlî nâ-tüvân
Teşne-i şehd-i visâlindir Fuzûlî nâ-tüvân
Ol zamandan kim beni ahlâkın etmiş mu’tekid
Hak bilir virdim du’â-yi devletindir her zamân
Hak bilir virdim du’â-yi devletindir her zamân
Var ümîdim tâ medâr-i adldir âlem-penâh
Var ümîdim tâ livâ-yi fethdir kişver-sitân
Var ümîdim tâ livâ-yi fethdir kişver-sitân
Olasın ikbâl ü izz ü rif’at ü iclâl ile
Kâm-gir ü kâm-yâb ü kâm-kâr ü kâm-rân
Kâm-gir ü kâm-yâb ü kâm-kâr ü kâm-rân
Vezin:
Fàilàtün / Fàilàtün / Fàilàtün / Fàilün