Bâğına yetmesin âşûb hazândan yâ Rab
Gül ile servine âsîb zamândan yâ Rab
Aldı cân la’li ile vü lebi cân birgüçiler
Barça kul olsun anın allıda cândan yâ Rab
Derdini bes ki nihân tuttum olarmın pinhân
Vâkıf etgil anı bu derd-i nihândan yâ Rab
Yaman ahvâlime göz salmadı ol ay yahşi
Yahşi âgâh kıl anı bu yamandan yâ Rab
Yüz cihân zulm cihân ehli mana kıldı meni
Fâriğ et ehl-i cihân birle cihândan yâ Rab
Veriben gönlüme cem’iyyet-i hâtır kurtar
Her ne kim andan irer tefrika andan yâ Rab
Kûyıda hecr figânın ki Nevâyî tartar
Hem meni hem anı kurtar bu figândan yâ Rab
Ali Şir Nevai